كـشـكـول

البت الأقل أهميه والبت الأكثر أهميه ... البت الأقل أهميه هو أول رقم في جهة اليمين أما البت الأكثر أهميه هو آخر رقم في جهة اليسار خلينا نطبق مثال على راتبك الشهري .. لنفترض ان راتبك 8675 ريـال لو أخذنا من راتبك خمسه ريـال ( 8675 ) هل راح يتأثر الراتب ؟ هو صحيح نقص وتغير شوي بس ما أثر على القيمه ككل طيب .. لو أخذنا السبعين ريـال ( 8675 ) هنا نقص أكثر بس لا زال لم يتأثر طيب لو أخذنا الـ 600 ريـال ( 8675 ) طيب لو طارت الــ 8000 ريـال ( 8675 ) هذا المثال ينطبق أيضاً على القيم المعدله وكمثال قيم الألوان ، كل ما صعدنا للأعلى وعدلنا كل ما تأثرت درجة اللون حتى تتغير

سمو المجد ,رايــق ,عبير و 1 آخرون معجبون بهذا

ابن الهيثم

لو طلبت منكم تفتحون ملف نصي ثم تكتبون الأرقام من واحد إلى مليون ( 1.000.000 ) كم من الوقت تحتاجون لإنجاز هذا الطلب ؟ في البرمجه تم إنجاز هذا الطلب في ( a2185 Millisecond) يعني في ثانيتين وربع تقريباً .هذي إحدى الفوائد من تعلم البرمجه جهد أقل ، سرعه ودقه في التنفيذ

سمو المجد معجب بهذا

في البرمجه راح يمر عليك درس أسمه المتغيرات أو ( Variables ) بإختصار .. المتغير يستخدم لتخزين البيانات . وكتشبيه ، المتغير هو عباره عن صندوق هذا الصندوق نعطيه أسم مثل ( G ) ونخزن فيه البيانات أثناء عمل البرنامج راح يوضع هذا الصندوق في ذاكرة الكمبيوتر ومتى ما أحتجنا لهذي البيانات ننادي على أسم الصندوق ( G ) وراح يحضر ويظهر لنا البيانات المخزنه فيه . وهذا المثال بالكود لتخزين معلومه ومناداتها في لغة ( AutoIt )

سمو المجد معجب بهذا

وهي عباره عن مجموعة معاملات هذي المعاملات تقوم بوظائف على مستوى البت ( bit ) المعاملات اللي بتحدث عنها هي : AND, OR, XOR, NOT أول خطوه راح تنفذها جميع هذي المعاملات انها بتاخذ الأعداد اللي بنمررها لها ثم بتحولها من قيمه عشريه إلى قيمه ثنائيه ( Decimal To Binary ) بعدها نبي نمر على كل معامل ونشوف وش خطوته التاليه ... مثال : a71 AND 221 الآن الخطوه التاليه للمعامل .. راح ياخذ القيمتين السابقه ثم يقارن قيمة كل بت في الصف الأول مع قيمة البت المقابل له في الصف الثاني والنتيجه راح تختلف حسب قاعدة كل معامل . قاعدة هالمعامل تقول إذا كانت قيمة البت الأول والبت المقابل له تساوي واحد النتيجه راح تكون ( 1 ) ، عكس ذلك راح تكون ( 0 ) نفس المثال : a71 OR 221 هذا المعامل بيطبق نفس عملية المقارنه السابقه قاعدة هالمعامل تقول إذا كانت قيمة البت الأول أو المقابل له أو الإثنين معاً يساوون واحد راح تكون النتيجه ( 1 ) ، عكس ذلك راح تكون ( 0 ) XOR هي أختصار لـ ( Exclusive OR ) نفس المثال : a71 XOR 221 هذا المعامل أيضاً بيطبق نفس عملية المقارنه السابقه قاعدة هالمعامل تقول إذا كان أحد البتين وليس كلاهما يساوي واحد راح تكون النتيجه ( 1 ) ، عكس ذلك راح تكون ( 0 ) الآن جميع المعاملات السابقه بعد ما تطبق القواعد راح تاخذ القيمه وتحولها من ثنائي إلى عشري ، وهو الناتج النهائي هذا المعامل يختلف عن اللي قبله ، هذا المعامل ياخذ فقط قيمه وحده مثال : 71 ، في النظام الثنائي بتكون 01000111 هذا المعامل بيمشي على بت ، بت إذا كانت قيمة البت صفر بيخليها ( 1 ) ، وإذا كانت واحد بيخليها ( 0 ) أيضاً من ضمن الإجراءات اللي بيقوم فيها هذا المعامل هي استخدام المتمم الثنائي ( Two's Complement ) واللي راح أتحدث عنه لاحقاً إن شاء الله ثم بنتعلم إن شاء الله كيف نستخرج نتيجة المعامل بطريقه حسابيه بسيطه

سمو المجد معجب بهذا

كتبسيط لقواعد المعاملات اللي أخذناها في المشاركه السابقه AND هذا يا تعطيه كل صندوق التفاح ولا ما بيرضى OR هذا لازم تعطيه على الأقل تفاحه XOR هذا يبي بس تفاحه NOT هذا ايش ما تقوله يمشي عكسه ، تقوله واحد يقولك صفر

سمو المجد ,ابن الهيثم معجبون بهذا

اخواني وأخواتي شرفني تواجدكم ، وسرّني تعليقكم ربي يسعدكم ويوفقكم

سمو المجد ,ابن الهيثم معجبون بهذا