01-29-2023 | #547 |
|
رد: حكــاية قصيــرة ❥
احتاج اجازه ، و اجازتي بعد شهر ..
و مابي اخرب رصيد اجازاتي <- وقت الحلطمه |
وأنت في طريقك للبحث عن حياة، لا تنسَ أن تعيش.
— محمود درويش |
01-30-2023 | #548 |
|
رد: حكــاية قصيــرة ❥
الضغط احيانا يولد الانفجار .. فما بالك انفجار مع لا مبالة بالاحداث ..
صرت اسوي اللي اقدر عليه .. حقيقي انا من زمان ما اخذت اجازة و كانت اخر اجازه في اوقست 2022 ,, و الاجازه كنت مرافقه لأختي في المستشفى ,, فلكم ان تتخيليون كيف الاجازة .. للامانه طقت روحي ابي اهج خخخ اللي يصبرني اني مجهزة لاجازه حلوه و سعيدة ان شاءالله احتاج اتكلم و احد يواسيني ما يلومني على شي ,, و مالي غيركم ,, حتى اللايك منكم يواسيني يسعد صباحكم ,, و معليش انتم تحبوني تحملوني <- اموت ع الثقه خخخ زي ما انا متحمله الفرع اللي احبه .. |
التعديل الأخير تم بواسطة آلنـور ; 01-30-2023 الساعة 06:24 AM
|
01-31-2023 | #549 |
|
رد: حكــاية قصيــرة ❥
كل يوم اقول هذا يوم الانفجار
و مدري بعدين وش يصبرني و اكمل ما اقول الا الله يكتب لي الخير ،، |
|
02-02-2023 | #550 |
|
رد: حكــاية قصيــرة ❥
في الفتره الاخيرة كنت اتحلطم كثير على غير عادتي ..
انتهى شهر واحد عن سنه كامله و نتأمل باقي الشهور تكون الطف .. للان انا ما كتبت اهداف السنه بوضوح , هدف واحد و ماشيه عليه و الباقي كلها في عقلي , لازم اكتبها ,, لكن ضغط الشهر اللي فات يخليني اركض بدون احساس .. و لما ارجع البيت احس نفسي كني طايحه من قمة جبل ,, مالي خلق اسوي شي , و أأجل كل شي ,, بس الحمدلله اليوم خميس , و هالويكند بكون متفرغه تماماً و ان شاءالله ارتب اموري اتمنى لكم يوم خفيف لطيف |
|
02-02-2023 | #551 |
|
رد: حكــاية قصيــرة ❥
اليوم مر علي موقف ما اقول انه من اصعب المواقف ..
لكن تأثيره قوي علي ,, الموقف اللي يحزنني جات عميلة و من اول ما دخلت بس تبكي .. اول شي قلت في بالي اكيد صار عليها عمليه احتيال و سرقو فلوسها بعدين شفت الحرمه مو راضيه تسكت ,, عطيتها مناديل و مويه الين هدت شوي قالت لي بنتي ماتت و تعطيني هوية البنت و تبكي انا اول شي جمدت في مكاني .. يجيني حالات وفاة و نقفل الحسابات بس يكونون كبار لكن هذي البنت عمرها 18 ,, و امها تبكي بحرقه حاولت اهديها بس اعرف مصابها قوي قمت حضنتها و بكيت معها ,, ما عرفت كيف اواسيها حتى يوم اطلب منها الطلبات , شي كبير على بنت صغيره اقول لها جيبي حصر الارث تطالع فيني الام ب استغراب .. قلت هذي الاجراءات و لا زالت الام مصابه قد ايش الموقف هزني و اثر فيني .. ممكن الله ياخذ منك اعز ما تملك و انت ما في يدك شي فكرت في بنتي اني ازعلها اوقات و اضغط عليها ,, في اشياء ما تسوى امور دنيويه لذلك اسعدو اللي حولكم , عيشو حياتكم زي ماهي و لا تكبرون المواضيع .. لكن فكرو كيف بتقابلون الله سبحانه و تعالى ,, احنا عايشين و لاهين في الدنيا و اخر ساعتنا الا عشان نراجع انفسنا , و نستغفره و نتوب انا انصح نفسي قبل ما انصحكم \ قبلها بساعات جاتني بنت صغيره بعمر بنتي بالضبط .. حسابها موقف عشان ما طلعت بطاقة احووال .. و اقولها ليه ما طلعتي بطاقة تقولي : مشاكل عائلية ,, انا جاني فضول و اقولها ايش فيه ي ماما قالت ابوي ما رضا عشان بروح مع صاحبتي .. قلت و هو صادق روحي مع بابا خلي صاحبتك ي عالم بنت بعمر بنتي تقول هالكلام ,, انا انهبلت :( كل ما نعيش نشوف حالات غريبه الله يثبت قلوبنا على طاعته بس و لا يفجعنا ب احبابنا .. |
|
02-02-2023 | #552 |
|
رد: حكــاية قصيــرة ❥
ان تكون الحلم الذي غفى بين ضلعين و قلب ,
كان يخاف العيش , و ان احمله في قلبي , و غفا..! فقد جزء من ذاكرته , نسي الحروف , كيف يتحدث , و اصابه الجمود , كان يتذكر ان اسمه من حرفين , لكن اي حروف الابجديه هو ..! أ .. ت ... د .. ج .. ب .. و بدأ يتلعثم ..! و لا يريد ان يتعلم , و عاد ليغفو ..! في هذه اللحظه علمت, ان ايقاضه تعني نهاية الحياة .. |
|
الكلمات الدلالية (Tags) |
النور, حكــاية, قصيــرة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|