- سواليف روح

https://vt.tiktok.com/ZSdmGvX6G/

والله صح كلامها
كم مرة أروح محل العطور
أجرب العطر ويعجبني
بس لما أشتريه وأرجع البيت أجربه
ما يعجبني و أحسه غير

المهم أكتشفت أن أي عطر فيه ياسمين
ما يناسبني ويكون قوي وما أقدر أستحمله
ومرات راسي يصدع منه مدري ليش !

آلهيمانة ,رآنيا ,رقـة أُنثى معجبون بهذا

مرات أحب أشتري كتب عن علم النفس وكذا
وأحب أقرأ ب هالمواضيع
ومن فترة كان ودي أعرف عن العقد النفسية
وشنو سببها وكيف تصير العقد النفسية

لما رحت المكتبة على طول لقيت كتاب يتكلم عن العقد
عنوانه " عقدك النفسية سجنك الأبدي "
هالكتاب يتكلم عن 15 عقدة نفسية
المعلومات اللي فيه مهمة جداً

أكثر شي لفت انتباهي الكلام عن النظرة السوية للمرأة
يعني ليش في ناس نظرتهم للمرأة نظرة سوية
وعادية وطبيعية !
وليش في غيرهم نظرتهم دايماً تكون مو زينة
ومرتبطة ف الغريزة فقط ! وهكذا

الكتاب يتكلم عن مثل هالمواضيع
وبعد عن مواضيع ثانية
مثل عقدة الشكل وعقدة الأنوثة والرجولة
و عقدة الطفل
و النرجسية والخضوع والاستحقاق والتحرش وغيرها

بصراحة حلو ويساعد على الفهم والتعمق
أنصح فيه لأنه راح يغير نظرتكم لكثير أشياء

رآنيا ,الحنيف ,متأمل معجبون بهذا

في أشياء في الحياة نفس باب السيارة
لما أتعامل مع باب السيارة برفق وأسكره بلطف
ما يتسكر
بعدين أرجع أسكره بقوة ويتسكر
بس أخوي يعصب ويقول كسرتي الباب 😡

انزين شو أسوي هو مو راضي يتسكر وأنا ما عندي حل وسط
إما رقيقة بزيادة أو أتعامل بقسوة ودفاشة 🙂

في البداية أكون رقيقة ولطيفة
بس إذا ما نفع خلاص أتوحش
وبعض الأشياء ما ينفع معها إلا القسوة والدفاشة

حتى في التعامل مع الناس
بعضهم ياكلوني إذا صرت طيبة ولطيفة
وإذا توحشت عليهم يصيرون يحترموني على طول
سبحان الله كأنه مو عاجبهم إني أحترمهم !

رآنيا ,رقـة أُنثى ,الحنيف و 2 آخرون معجبون بهذا

متأمل ,مغترب

من بعد رمضان
زاد عندي الأرق بشكل مو طبيعي
ما أقدر أنام زين وكل شوي أصحى
مع أني من النوع اللي حتى لو كنت متضايقة عادي أنام
ولا يهمني ومو من عادتي إني أسهر !

ومن يومين لاحظت على شعري بدأ يتساقط
أمسكه ويطيح 🥲
+ تعب وإرهاق
ومن هنا تذكرت فيتامين D
دايماً ينقص عندي لأني ما أطلع ف الشمس
خاصة فالصيف أبداً ما أطلع وعلاقتي ف الشمس مو حلوة

تذكرته قبل فترة ورجعت نسيته
وكل مرة يصير شي يذكرني فيه وبعدين أرجع أنسى
هالمرة خلاص قررت أحطه قدامي
عشان أتذكره وما أنساه

وبما أني تذكرته حبيت أكتب هالرد عشان أذكركم
يمكن في حد ناسي مثلي
خاصة اللي عندهم أرق وفيهم كسل وكآبة ومزاجهم متقلب
انتبهوا على فيتامين دال وحتى الحديد لا تنسونه

وترى في ناس ياخذون فيتامين D
بس تكون المشكلة من الامتصاص ف ما يستفيدون
لازم ياخذونه مع دهون صحية ومع فيتامين k2

وبس
إن شاء الله حد يستفيد من ردي 😊🌸

رقـة أُنثى ,رآنيا معجبون بهذا

كل يوم قبل ما أنام لازم أقعد مع نفسي وأفكر
ومرات أكتشفت أشياء وأنا أفكر

اليوم قاعدة أفكر بموضوع العطور
دايماً في عطور لما أجربها أتضايق من أول مرة
وكنت أقول أحس كأني أشم ريحة تذكرني بال بف باف
لا تضحكون بس هذا شعوري صدق
وأفكر شو هالريحة الغريبة !

بعدين تذكرت أيام الحظر مع كورونا لما نستخدم المعقمات
كان لها نفس الريحة الغريبة هذي وأذكر أن فيها كحول
وبعدين استوعبت وتذكرت أن بعض العطور فيها كحول
وشكله هذا الشي اللي يضايقني
مو قادرة أتحمل العطور اللي فيها كحول
تسبب ضيق وكتمة وصداع وعيوني تحمر منها
وصرت على طول أعرفها من أول ما أشمها لأن أتضايق بسرعة

الحمدلله أخيراً عرفت السبب
أشكر نفسي على هذا الإكتشاف

وخلاص بروح أنام الحين

طُليْطل ,رقـة أُنثى ,رآنيا معجبون بهذا

سالفتي مع قصص الحب

طول عمري وأنا أقول أكره قصص الحب
وبالذات قصة قيس وليلى أكرهها وأتنرفز إذا حد تكلم عنها
لأن نهايتها مو حلوة وكنت أكره هالنوع من الروايات حتى
و إذا شفت ناس مثل قيس أتنرفز وأعصب بس كذا معقدة
ولأن أحب النهايات السعيدة فقط

وطبعاً أنا أي شي أرفضه و أكرهه لازم يطلع لي بكل مكان
وصارت قصص الحب تظهر لي بكل مكان
يعني هي اللي تجيني مو أنا اللي أدورها :1114:

بس القصص اللي تظهر لي تكون نهايتها حلوة
كأن هالقصص تبي تغير نظرتي
وتقولي ترى أنتِ متشائمة

وخلاص اقتنعت أنه عادي في قصص نهايتها حلوة
ومو كل القصص نهايتها حزينة
بس كنت متأثرة بالقصص السلبية اللي أسمعها وأشوفها

وبس والله :1114:

طُليْطل معجب بهذا