اهدي بيت شعر. للي في بالك. ،،!

.

ياريم شفت الوجه غطى على الشمس
حتـى القمـــر ياريـــم غطى جماله
هني منهو فـــاز بالقـــرب واللمــس
ومتـــــــع نظـــر عينه وحقــق مناله
قلبـي تـــرا ياريـــم شلتيـه من امس
وداعتـــك ياريــــم روفــي بحـــاله
ياريــــم لو تقفيــن صفقــت بالخمس
رديـه قلبـــي .. قلبــك اليــوم شاله

لاصرت راضي لو اغلط غلطة الشاطر
ماهو بشرط اوزن الكلمة واثمّنها

بكيت من كلمةٍ ماتكسر الخاطر
وضحكت من كلمةٍ ماينضحك منها

الـيــوم عـنــدي غـيــر واخلاقـهـاغـيـر
تظـحـك عسـانـي يـاعـرب ماعـدمـهـا
قالت صباح الخير وهي مقدم الخير
محـلا صبـاح الخيـر مـن نطـق فمهـا

بنتٍ ليا منك وقعت . . تشيلك من القاع شيل
‏أبرك من وجيه الرجال الي ليا طحت جفلت

يا كثر الكلام اللي ورا ضلوعنا نخفيه
يحب الكتوم الصمت لو ما قضى حاجه

.

يا سكون الليل ! بك ناسٍ سهارى
يشتكون الشووق في وقت السكون ٰ

والوله ..! مايرحـم قلـوب' الحيارى
والسّهر مايرحـم اهداب' العيون. !!