النار والنور

النار والنور

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

القصيدة:-


في نظرتي قصة وشاعر و جمهور
وفي نبرتي حزن وشعور وقصيدة ..

مرت على اهل النقد دكتور دكتور
وتوثقت فيها الصفات الحميدة

فيها سياسة (آرثر جيمس بلفور)
وفيها من اهل العلم علم وعقيدة

وفيها رواية (ماريٍ هوج فكتور)
وفيها من الافكار (مالا نريده) !!!

استلهم افكاري من النار و النور
وابحث عن البكر الشرود الفريدة

انا الغريب اللي مشى درب مهجور
معه من الماضي مزايا عديدة

غافلت حراس المدينة على السور
وامسيت في دمث القصور المشيدة

دايم يدور الدور ويجيني الدور
ولاحب تظهر صورتي في الجريدة !

اسير لو عظمي من الوقت مكسور
واكسر مسافات الزمان العنيدة

تطري علي ( بكر الهوى ) ( نسخة الحور )
( عزيزة القلب ) ، ( الغرام الوحيدة ) !

مازالت اقرب لي من الزر لـ الزور
حتى لو انّ الوصل مقطوعة ايده

ابحرت واستمريت من جانب الطور
في غايتي و ارضاء الشبوح البعيدة

من كبرياء الايام مازلت مغمور
غافل عن احوال الحياة الزهيدة

مانيب لاساحر ولانيب مسحور
لكنّ متكهّن يبا الله يزيده !!!

اوجّب الخطّار ، والحال مستور
واسلّف التاجر وانا ع الحديدة

كنّي من اكواب الغرابيل مخمور
متبلد احساس وشعوري بليدة !

اسري على وهج المجرّات مجبور
معقول والساق انثنى فيه قيده

من عزتي ماني على الطيب ماجور
والخاسرة ترجع معي مستفيدة

ياطير ابن برمان لي حظ مطيور
لافادني هدّه ولاذقت صيده

اقبلت مستقتل وغادرت منصور
لأن العلاقة بالقلاعة وطيدة

صحيح لي فكرة ووجهة ومنظور
وعجزت ابيّنها بـ جملة مفيدة

شاعر ولكن ! صدق ماعندي شعور
والشاعر الله ميّزه عن عبيده !

في نظرتي قصة وشاعر و جمهور
وفي نبرتي حزن وشعور وقصيدة

.

منقول
للشاعر/ مبارك بن عنين الهمّامي🌹

الموضوع الأصلي: النار والنور || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgkhv ,hgk,v