فضفضو هنآ بكل عمق..

بعض الأوقات يؤلمنا نعرف الأخبار في غزة والسودان وسوريا
بينما نحن بعيدين عنهم ولا نستطيع فعل أي شيء سوى الدعاء :(
يارب انصرهم وارحمهم

عآزفّ النّآي ,همس الجواهر معجبون بهذا

-


اخر يوم لي مع صف سابع
صحيح بكوا على عكس توقعي منهم .!
بس اللي صدق أثر فيني، لما جتني وحده من البنات
قالت فلانه بكت تذكرت أمها الله يرحمها

أنا هنا للحظة صدق جمدت مكاني، الموقف جدا حساس
رحت لعندها حطيت يدي على يدها قلت لها ليش تبكين.!
قالت وهي يالله يطلع صوتها تذكرت امي الله يرحمها
هنا للحظه حسيت بغصة وألم لا يعلمه إلا الله
حسيت ما عندي كلمات ممكن تواسي وجعها

بس أول شي جاء في بالي انه ممكن في هاليوم
وهالساعة يكون الله ارسلني للبنت هذه
وأكون سبب في تغيرها خصوصا إنها
في هالعمر، وكونها مشاغبة بعض الشيء

حضنتها وخليتها تبكي للحظات وبعدها
قلت لها قولي الحمد لله على كل حال
كلنا بنموت اللي تقدم واللي تأخر، وبإذن الله
الوالده تكون في الجنة. وصدقيني لو هي هنا الحين
بتقول لش بنتي ما أريدش تبكي وأريد اشوفش مبسوطه
وبتقول لش ادرسي زين وكوني ناجحة في حياتش
قلت لها اريدش تكون الإنسانة اللي تتمناها الوالده منش
خلوقة وناجحة ومهتمة بدراستش
وكل ما تذكرتيها ادعي لها وتصدقي عليها، يوصلها
وأهم شي ما ننسى نقول الحمد لله على كل حال

الحين يالله خلينا نشوف الغمازة الحلوه اللي
مو راضيه تعطينا اياها ولا حتى تخلينا نشوفها
ابتسمت وراحت غسلت وجهها


اليوم ما اعرف وينها ولا كيفها ولا حتى
اعرف اذا كلامي باقي في ذهنها ولا لا
بس كنت ادعي يالله اجعل كلامي ينفعها
الله أعلم إذا نفعها كلامي ولا لا
بس أقلها حاولت

الصدق مدري ليه تذكرت الموقف الحين
بس أحيانا ممكن تجيك فرص لا يمكن تضيعها

اسأل الله أن يوفقها ويكتب لها السعادة
في حياتها وين ما كانت

عآزفّ النّآي معجب بهذا