نجوم جداد
 

ظروف الوقت تقرص مير جمر الذاكرة وقّاد
يدفيني إذا شمس المعزة غاب طاريها

على ما صار لي روحٍ تعالت والكرامة زاد
تغنيني عن الناس وحكاويها وهقاويها

ولا قد همّني العاذل، ولا فكّرت بالنقّاد
أنا عندي مبـادي ثابت أوّلها وتاليها

كاني ليل، عمر الليل ما جاء وبه نجوم جداد
رغم انف الصباح اللي يبي لا طل يخفيها


ولا لي بالبشر غايـة، ولا لي بالثرى أوتاد
خفوقي حـر وأتبع ما يعزّ النفس وأرضيها


ولا مني عشقت اعشق شبيهي لو هواه جهاد
واعاف اللي تذلل بالمحبة من بلاويها

تركت احلام واجد لانها في ناظري اقياد
وانا ما ارضى القيود اللي تشلّ الروح بيديها

ولا اساوم ولا اقارن ولا ناظرت بالانداد
اشوف ان كل شخص بدنيته يحيا لياليها

احب الصدفة اللي ما يعذرب شهدها الميعاد
واعز اللحظة اللي ينتصر حظ اجودي فيها

واعرف إن العمر مرة، وأعرف إن السنين شْداد
ونذر اني لاعزف ايامي السود واغنّيها


لـ معاذ بن عبدالعزيز

رد: نجوم جداد
 

واعرف إن العمر مرة، وأعرف إن السنين شْداد
ونذر اني لاعزف ايامي السود واغنّيها

اختيار مميز وقصيده رائعه
احسنت الاختيار علي
دمت بتميز وعطاء:401:

رد: نجوم جداد
 

رد: نجوم جداد
 

اهلا وسهلا أنرتم المتصفح
وشكرا على إطرائكم وإعجابكم
ودمتم كما تحبون.

رد: نجوم جداد
 

ولا مني عشقت اعشق شبيهي لو هواه جهاد
واعاف اللي تذلل بالمحبة من بلاويها

قصيدة جميلة جدا
وهالبيتين لفتوا نظري جدا
حكمة جميلة واعتقد اني بحاجة لتطبيقها
اختيار جميل ومميز اخ علي
سلم ذوقك واختيارك

رد: نجوم جداد
 

الله يسلمك ويبارك فيك
سعدت بمرورك وإشادتك.