مجتمع غلاك - ... على كلمة تحريتك ...

مجتمع غلاك (https://g-lk.com/vb/index.php)

- الشعر الفصيح والنبطي " يمنع المنقول" (https://g-lk.com/vb/forumdisplay.php?f=60)

- - ... على كلمة تحريتك ... (https://g-lk.com/vb/showthread.php?t=2197)

... على كلمة تحريتك ...

على كلمة تحريتــك غديت الــواعد الـموعــود
نزفت اشواق ما تحصى وانا اتحرّى مـواعيدك

ابي ارتــاح في مُـروجك واقطـف للهنـا عنقود
احــاول وارفع يديني ولا طالت عنــــاقيـــــدك

وابي ارسم على شفاهي ملامح ثغـري المفقود
تخيّل...ما عرفت اضحك تخيّل...ضحكتي بيدك

شسوّي لــو معاناتي مدينه والهــمـــوم حدود
ومـرسـول الحـزن يعـزف على قلبي اناشيدك

اجــيـلك محــــترق حدّي تــلاقيني بـكل بـرود
تجـــامــل في احــاسيسـك وتتصنع تنــاهيـدك

أمانه ... كانها الـفـرقــا طلبتك ... ضمني بالزّود
وقفّي ولا تعلمـني وخذ بــــــاقي مـــــواعيدك

بـ أصوّت لك .... تجاهلني ولا كنّي ابد موجـود
وارفع صوتك لسمعي وقــول انساني مـاريدك

واذا حسّيت بأوجاعي وحدّتك المشاعــر عـود
بتـلــقى قلــبي ياقلــبي على مــا حطـتــه إيدك

... وسلامتكم ...

أخوكم الشاعر ... نجم ضاوي ...