لبييه للوافي
 

في خافقي حب ن عزيز ......وآآآآهات
عشق سكني وذاب فيني من. ....سنين

لبيه للوافي............لبيه له .... بالذات
إلى غيابه ورث القلب............جرحين

ياصاحبي صدك حرمني ...... المسرات
سهران ليلي يوم الخلق.......... نايمين

وكانك تبي لصدق الغلا............اثبات
خذ اتبات الوفا من دمعة..........العين

قلبي حزين وتجرح الصدر....... ونات
ونة غريب ن فاقد ن له....... عزيزين

حب سباني حيل ماهوب حب.. شات
ولاهوب غرام إلى يلعب على الحبلين

ياصاحبي هواك بالقلب ابد ما.... مات
عسى الزمن يصفالي والايام لنا...تزين

رد: لبييه للوافي
 

سلمت يمينك
وسلامت قلبك وحسك
واعتبري ردي على لسان الوافي

.


رفعتلك بالحب والعشق رايات
واودعتك بقلبي سوات اليتيمين

واهديتلك من صادق الود باقات
وغلفتها بالحرف ورد البساتين

ياصاحبي يكفيك شر ومضرات
وتصير لي بالناس امن السعيدين

صدق الغلا ما ينكتب بالروايات
اثباته اعهود الغلا بين الاثنين

يخسى الحزن والهم بعيون خدرات
اقولها واطولها كالسلاطيين

الحب بعضه نار والبعض جنات
بعضه سراب وبعض يكمل به الديّن

وانا لعينك في اليسر والمسرات
ويفداك منهو ما يعد الوفا دين

رد: لبييه للوافي
 

قلبك مغرد مع بعيد ...... المسافات
والقاف ينخاني ويقول .... هالحين
هذا التناقض ليش يا مترف . الذات
ازريت انا لافهمك لوين ........ لوين
صراحتك ما هي بكل ... الصراحات
وصدقكك عظيم بس ما له عناوين
انا ادري انك من ترفات ... وخفرات
لكنه قلبي ما يستوعب انا .... وين
نوب على ما قيل همة ..... وغايات
ونوب ضحية شوق يلعب . بحبلين

صح السانك ملايين احلام
ارجو ان تنال اعجابك المحاورة

رد: لبييه للوافي
 

رد: لبييه للوافي
 

رائعه

رد: لبييه للوافي
 

لبيه .. يا حب النقاء . والمسرات
حبك يغذي القلب ومعه الشرايين


يامنعش ن روحي بالسبع الابيات
فيها معاني الحب تكتب دواوين


ابيات عذبه تطرب النجم جزلات
ادمت فؤادي واسهرت مني العين


كويت قلبي .. والمحاني بجمرات
ياللي على قلب . المعنى عزيزين


احييتي قلب من محبتك قد مات
ليت النجم يعرف لدربك عناوين


اتعب عيوني سهرها وكثر عبرات
وإنتي عني . ما دريتي من سنين


آهات قلبي .. زادها البعد . ونات
ليت الليالي . تسعد القلب وتزين


إللي ابيه منك . . الواتس وسناب
ونقضي الليالي مثل كل المحبين



صح لسانك يا .. العابره ..
اجزلتي المعاني يا أنيقه ...
لله درك ...

لا خلا ولا عدم ...