مجتمع غلاك - ... إهداء خاص / لها ...

روحي تجر الحان . . والقلب سهران
غرقان باحزانه . . وزادت . . جراحي

ياليته اللي كان . . من قبل . . ما كان
ما كان قلبي . . من علاليه . . طاحي

مهموم .. سالي .. بينها فرق شتان
مثل الليالي .. المظلمه .. والصباحي

ضايع . . ادوّر وين . . والبال حيران
كربه لفاني . . من جميع . . النواحي

سهران راسي . . بالتفاكير . . مليان
الضيق ثوبي . . والهواجس وشاحي

غريب وسط اهلي وارضي والاوطان
اكتم همومي . . لكن الهم . . فاحي

ترا طريق الكذب . . تاليه . . خسران
امشي طريق الصدق تلقى النجاحي

ليت الليالي . . تعود وتعود الازمان
ايام كان الحب . . مالي الضواحي

واشوف ذيك اللي . . شفا كل عيّان
بنت الكحيلا . ام العيون .. الملاحي

مثل القمر .. لا من بدت .. ووجهها بان
يشع نوره . . عم .. كل . . الفساحي

كن الشفايف توت . . خالطه . . رمان
والريق خمره . . داخ به .. كل صاحي

ٍمزيونةٍ . . والزين .. من زينها . . زان
فارق حلاها . . كنها . . البرق . . لاحي

ٍفي وصفها تاهت . حروفي والاوزان
احبها . . في . . جدّها . . والمزاحي

شاميّة القامه . . تمايل . . كما البان
تهتز . . لامن . . داعبتها . . الرياحي

احبها والحب . . أكبر . . من إدمان
وبحبها . . كل .. المتاعب . . تزاحي

... وسلامتكم ...

أخوكم الشاعر .. نجم ضاوي ..