|
"لستُ شخصاً صعب الفهم، ولكن نادرون الذين أشعر معهم بالراحة." Ask me
"ونحنُ الذينَ تقومُ القيامةُ بداخلنا،
وملامِحُنا لا تظهرُ عليها سِوى الاتزان، سلامٌ لَنا حتى يَفنى السَلام."💙 #نقاء الورد جاهزه لأسلتكم إن شاء الله |
رد: "لستُ شخصاً صعب الفهم، ولكن نادرون الذين أشعر معهم بالراحة." Ask
أهلين نقاء الورد منورهـ الأسك بسم الله : هل تحبي مساعدة الاخرين .؟ مشروبك المفضل .؟ شيء تكرهيه .؟ شئ لم يتحقق من أحلآمك .؟ اكثر واحد تحبيه من اولآدك .؟ :174: |
رد: "لستُ شخصاً صعب الفهم، ولكن نادرون الذين أشعر معهم بالراحة." Ask
أهلين نقاء الورد منورهـ الأسك
ياا هلا عازف مساك ورد⚘ انبسطت انك اول حد نورتي الآسك بسم الله : هل تحبي مساعدة الاخرين .؟ الصراحه اه والله وجدا بحب اساعد مشروبك المفضل .؟ م في مشروب مفضل معين بس بحب الشاي والقهوه وعصير المانجا شيء تكرهيه .؟ بكره اليهووووود والظلم شئ لم يتحقق من أحلآمك .؟ اني احج اكثر واحد تحبيه من اولآدك .؟ هههه..بحبهم كلهم طبعا انبسطت ب اسئلتك عازف ونوورت الآسك جدا |
رد: "لستُ شخصاً صعب الفهم، ولكن نادرون الذين أشعر معهم بالراحة." Ask
:128:شو هالمقدمات الحلوة هاي
نورتي يا توامي قسم الاسك بموضوعك بدي اسالك عن عاطفة الامومة لاني مش ام وبدي افهم مشاعر الام بجد -في ام ممكن تكره بنت الها؟؟؟؟ -لو حكتيلي مستحيل ليش ممكن يراود بعض البنات هالشيي؟ -سالك عازف مين بتحبي اكتر حد من اولادك واجبتي الكل -هالشي صحيح فعلا؟؟؟ -حب الام لكل اولادها واحد فعلا؟؟؟؟؟؟؟؟؟ -التمييز بين المعاملة شو بكون سببها لدى الامهات؟؟؟ -لو بنت من بناتك بينك وبينها فجوة ومو فاهمين عبعض -شو بتعملي كرمال تكسبي ودها ؟ -انتي ك ام ممكن تقرري قرارات مصيرية عن بناتك ك اختيارهم تخصصهم الجامعي مثلا؟؟؟ -ممكن ترفضي شب اتقدم لبنتك مع العلم هي موافقة؟؟؟ -اذا عرفتي انو بنت الك بتحب بتكوني مع هالشي او ضده -بالنسبة لبناتك انتي مع الزواج التقليدي الهم او اللي عن حب اسئلتي من مخي هههههههههههه :128: ان شاء الله م اكون غلبتك فيهم |
رد: "لستُ شخصاً صعب الفهم، ولكن نادرون الذين أشعر معهم بالراحة." Ask
:128:شو هالمقدمات الحلوة هاي
انتي الاحلى ي قلبي نورتي يا توامي قسم الاسك بموضوعك تسلميلي منور بوجود الحلوين متلك بدي اسالك عن عاطفة الامومة لاني مش ام وبدي افهم مشاعر الام بجد ان شاء الله بتصيري ام وبتكوني احلى واحن ام رح اجاوبك عني انا شخصيا وم بعرف لو كل الامهات متلي او في مشاعر مختلفه بين الامهات لكن انا متاكده انه النسبه الاكبر متل مشاعري -في ام ممكن تكره بنت الها؟؟؟؟ مستحيل تكرهاا لكن ممكن تكره تصرفاتها -لو حكتيلي مستحيل ليش ممكن يراود بعض البنات هالشيي؟ لانه تصرف الام بكون بدل ع هيك لكن الام من جواتها مستحيل تكره ممكن تقسى لسبب ما ممكن تكره تصرف بنت لكن م بتكره البنت جربي اعملي حالك مريضه وشوفي كيف رح يكون شعور امك وقتها -سالك عازف مين بتحبي اكتر حد من اولادك واجبتي الكل -هالشي صحيح فعلا؟؟؟ ولك طبعا صحيح هدوول ولادي اغلى من عيوني واغلى م املك انا دايما بدعي ربنا يوخد عمري ولا يمس شعره من حد فيهم سوء -حب الام لكل اولادها واحد فعلا؟؟؟؟؟؟؟؟؟ شوفي ممكن لو عندك ابن مريض تحبيه اكتر حته لو عندك ابن غايب تحبيه اكتر حته وهيك يعني بس -التمييز بين المعاملة شو بكون سببها لدى الامهات؟؟؟ بكون سببها الابن او البنت نفسهم بكون المميز بحسس الام بحبه وبعرف كيف يدخللها اكتر من غيره بعرف شو بتحب شو بتكره بعرف مفاتيحها يعني افهمتي! -لو بنت من بناتك بينك وبينها فجوة ومو فاهمين عبعض -شو بتعملي كرمال تكسبي ودها ؟ بحاول اعاملها كأني صديقه مش ام اتقرب منها بتقرب من صديقاتها وبعاملهم كتير منيح لانه حبي لصديقاتها من حبي لالها احكيلها اشي خاص عني عشان احسسها بالامان وانها صديقتي لحتى ترتاحلي اكتر وتتطمن وتساعدني نشيل الفجوه -انتي ك ام ممكن تقرري قرارات مصيرية عن بناتك ك اختيارهم تخصصهم الجامعي مثلا؟؟؟ لاء ابدا انا بس ممكن احكي رايي انه انا بحبلك هيك او شايفه هيك افضل لكن بالنهايه القرار لالها انا بنتي سافرت ع اسبانيا فصل دراسي كامل اخدت قلبي معها وراحت لكن م وقفت في طريقها -ممكن ترفضي شب اتقدم لبنتك مع العلم هي موافقة؟؟؟ لو كان الشب مش مناسب ابدا اه برفض لانه في هيك حاله الاهل ادرى بهيك امور لكن لو مناسب وهي موةافقه ابدا م برفض وهيك صار مع بنتي فعلا انا م كنت مقتنعه لكن هي مقتنعه وهو ما عليه كلام فوافقنا وتمت الخطبه وكتب الكتاب -اذا عرفتي انو بنت الك بتحب بتكوني مع هالشي او ضده -انا مع الحب قلبا وقالبا لكن لازم اعرف مين هي بتحب لو كان ع خلق وقصدو الزواج بضل متابعتها في كل خطواتها بالنسبة لبناتك انتي مع الزواج التقليدي الهم او اللي عن حب بدك الصراحه بناتي التنتين الكبار وحده تزوجت عن حب سنين طويله ووحده تقليدي مش رح تصدقيني لو حكيتلك اللي تزوجت تقليدي مبسوطه مليون مره عن اللي تزوجت عن حب,,والله اسئلتي من مخي هههههههههههه :128: ان شاء الله م اكون غلبتك فيهم بالعكس كتير حبيتهم وانا جاوبتك بكل صدق وصراحه وانتي ان شاء الله يعجبوكي اجابتي ويكونوا مقنعين تعالي كل يوم |
رد: "لستُ شخصاً صعب الفهم، ولكن نادرون الذين أشعر معهم بالراحة." Ask
مرحبآ نقاء ويسعد مسآئك ..
أسئلتي .. ماهو تخصصك الدراسي ؟ هل تتخذين قراراتك بناء على عاطفتك أم عقلك هو المسيطر على ذلك ؟ أول أكله طبختيها ؟ كم كان عمرك حينذاك ؟ و هل نجحتي في إعدادها ؟ - وبس ولي عوده إذا الله آراد .. - |
| الساعة الآن 04:28 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~