((ياللي غلاكم فتنتي))
 

يا اهل الوفاء ياللي علينا ... تغلون
حسبي عليكم كيف قصر ... وفاكم
ليه ثلاث شهور بكرون ... مسجون
ارجي عطاكم وانحرمنا ... عطاكم
يا حيف يا خل مع البيض . مزيون
ما كنت اظنه يختفي وش . بلاكم
ياللي تسبب في بلا القلب وطعون
وشو رضاكم قول نكسب . رضاكم
يا ليت لو مرة مع الخل .... توفون
مع الذي يكتب قصايد ...... غلاكم
ياللي غلاكم فتنتي والله ... العون
وش حلها يا سيدي وش .... وراكم
هات الحقيقة سدد الحق ... وديون
والا ترى بين الصبايا ........ سواكم

القارظ العنزي

رد: ((ياللي غلاكم فتنتي))
 

الله يكفيك شر الكورونا ياشاعرنا..

صح لسانك واعتلى شانك ولا هنت...

رد: ((ياللي غلاكم فتنتي))
 

امين والجميع سلطان الزين
صح بدنك لاهنت

رد: ((ياللي غلاكم فتنتي))
 

احمر الخدين والحاجب المقرون
أدري هو . . يا القارظ . . بلاكم


لا معك عنوان له ولا رقم تلفون
الله يسامح . من بحبه غواكم


الله يكون لك يا صاحبي بالعون
هذا .. من رب الخلايق . جزاكم


خلاك تهذي . بالقصايد ومجنون
ماحد بهالدنيا . . سوى .. سواكم


مثلك مثل مسحور بالجن مسكون
بنار المحبه .. يا العنزي .. كواكم


ضاقت عليك الوسيعه .. بهالكون
وأنا . . يشهد الله إن قلبي معاكم

رد: ((ياللي غلاكم فتنتي))
 

ملعون يالملعون ملعون . ملعون
تشمت بي يالملعون الله . وراكم
الله يرزقني من البيض . مزيون
يمكن اقهركم بالغلا من . غلاكم
انت السبب ياضونا كان تدرون
نسمع نصايحكم ونتبع خطاكم
اليوم باسبابك اناصرت مجنون
ما عاد اميز ارضكم من سماكم

صح السانك ابو ضاوي لاهنت على المجاراة

رد: ((ياللي غلاكم فتنتي))
 

ماشاء الله ابدعتو وربي
الله يسعدكم يارب ويعطيكم العافية على روعة الابيات والمجاراة

~