مساجلة غلاك . يمنع المنقول .✍🏽
السلام عليكم ورحمة الله وبركاته ،،
في البدء أرحب بكم أخواني وأخواتي الأعضاء ،، في هذا المساجلة الشعرية بمنتديات غلاك ،، فكرة هذه المساجلة معروفة لكم ،، وهي أن تكتب بيتاً شعريًّا يبدأ بأخر حرف قافية البيت السابق ،، ويمكنك كتابة بيت أو أكثر ،، وكل ما أرجوه أن نلتزم بعدم نقل أبيات الشعراء الأخرين ،، لكي يتحقق هدف هذه المساجلة ،، فهي تعدف لتعزيز القدرات الأدبية ،، وتنشيط الذاكرة ،، والمجال رحب للمتعة والفائدة والتحدي ،، لنجعلها قمة في السباق الأدبي والثقافي ،، وفي الإلتزام بمراعاة تعاليم الدين الاسلامي ،، والذوق العام في الطرح ،، وسأبدأ قص الشريط .. ماجاك مني جفى عشان تجفاني ياويل رحٍ وليف الروح جافيها اجي من قصاي ما يحتاج تزهمني حتى الخوالي من الايام نوفيها |
رد: مساجلة غلاك . يمنع المنقول .✍🏽
موضوع جميل اخي الموفي
سلم بنانك انا شخص ياصديقي لعب الزمن في مصيره لاتزد همي وتقول بالهجر ابغى......... اقتلك ولاتنسى اني كنت بيوم جنة القلب. وغديره ولازلت انت في خفوقي ولابس ن تاج الملك |
رد: مساجلة غلاك . يمنع المنقول .✍🏽
كلك على بعضك حلو يابعدهم
من حد شعر الراس اليا رجولك شوفتك تكفي عندنا تجلي الهم يازينهم يا احلام صولك وجولك :33444::11: |
رد: مساجلة غلاك . يمنع المنقول .✍🏽
ابدعت بالطرح والفكرة
موفي الوافي لاهنت |
رد: مساجلة غلاك . يمنع المنقول .✍🏽
كلمات جميلة جدا
صح لسانك و علا شأنك سلمت اناملك الذهبية |
رد: مساجلة غلاك . يمنع المنقول .✍🏽
:write::lo2:ابداااااع ماطرحتوه
الله يعطيك العافيه |
رد: مساجلة غلاك . يمنع المنقول .✍🏽
موضوع جميل ورائع
ولكن حسب مفهومي المساجلة تكون على نفس الوزن والقافية على نفس البحر~ شكرا لك~ |
رد: مساجلة غلاك . يمنع المنقول .✍🏽
كل الحكايه صحا جرح. دفيني
وثارت بالحنايا سابق .شجوني ابعد عن الاحزان وهي .. تبيني والي غليته أكثر في.... طعوني |
رد: مساجلة غلاك . يمنع المنقول .✍🏽
ابسجنك يا احلام حتى تعرفين
لازم هنا تترك في السجن مسجون سجن القوافي وانتي اللي تقولين ابيات شعرك يوم جنك لك يجون هههههه غرامتك لاتقل عن بيتين :33444: |
رد: مساجلة غلاك . يمنع المنقول .✍🏽
نيران صدك بالحنايا...... كوتني
ودموعي خطت عالوجنه علامه وكل الحواس عنك.... سائلتني وعذالي أكثرو على...... الملامه وين انت يالي غيبتك....آلمتني عسى ربي يردك....... بالسلامه مادام فيها سجن بسجن عنيزاوي حنون بشوف مين يدفع كفالته |
رد: مساجلة غلاك . يمنع المنقول .✍🏽
صح السانك اخوي كلام جميل جدا
|
رد: مساجلة غلاك . يمنع المنقول .✍🏽
ياللي .. على مركاز .. قلبي تتكين
متربعه . . بين الفؤاد . . وحناياه هذي سمات أهل القلوب المحبين هذا .. هو الضاوي . وهذي مزاياه ... بقلمي ... |
رد: مساجلة غلاك . يمنع المنقول .✍🏽
هلاااا بالي إذا....جافى
يموت القلب. بجروحه وهلااا بالي إذا.. صافى تطيب الروح من بوحه |
رد: مساجلة غلاك . يمنع المنقول .✍🏽
ذبحني غلاك وقلت للغافي أصحى وفوق ترى من عرفت الحب والله معنيني وهالحين يا قلبي ترى في حشاك حروق تولع بقلبي وأنت جمره وتكويني أنا أولع الجمره وثوبي علي مشقوق أنا كأن ذابحني غلا من يسليني دخيل العيون السود شوقي شوق يزفن غلاك إلى سمعتك تناديني أبا أكتب قصيده فيك والعايقه ما تعوق يا روح الغلا في صفحتك وش رسمتيني ترى ما أنت غايب عن خيالي غلاتك فوق ويحلو شعري لا كتبتك على يديني وأخر قصيده باسمك ولا به عوق دخيل العيون اسمع وش أخر دواويني |
رد: مساجلة غلاك . يمنع المنقول .✍🏽
ياويل حالي منك يام الوشامي
ياللي يتل القلب لا شفت زوله اليا انشدوني عنك فانت الحرامي كم قلب شاعر في سجونك غلوله |
رد: مساجلة غلاك . يمنع المنقول .✍🏽
الحب ماهو قاف .. يكتب على النت
الحب إحساس . . والمشاعر شهوده خلك في حالك واترك الحب لا هنت الحب . . له قانون . . يحفظ عهوده ... بقلمي ... |
رد: مساجلة غلاك . يمنع المنقول .✍🏽
يسعدك يالنجم
المطلوب تبدا باخر حرف لاعدمناك هالناس لو تجتمع منا الى روما اني فلا اختار غيره واحدٍثاني اللي غلاها سما كالطير له حوما هو شف بالي حبيبي شف الاعياني |
رد: مساجلة غلاك . يمنع المنقول .✍🏽
يا موفي الوافي . ما شفت خلي
اللي عتابه . اتعب القلب ياخوك أقفى . . ولا حتى .. علينا يطلي مسكين يا قلبي على النار خلوك ... بقلمي ... |
رد: مساجلة غلاك . يمنع المنقول .✍🏽
كلمة عتب جرحت بالصدر ..تجريح
خلت عيوني كما الهتان.........هماله لوشفت البسمه عشفاته قلبي يطيح ولا مرني طيفه عتاب البعد ... شاله |
رد: مساجلة غلاك . يمنع المنقول .✍🏽
هوجاس قلبي ما تعدى معاليك
ياللي تعبث في قلوب المطاليق ماجيت عاذل غير انا شخص يغليك ويشوف من حولك كبودٍ مفاليق |
رد: مساجلة غلاك . يمنع المنقول .✍🏽
قالو يخادعك قلت بس انا اغليه
ماغيره من الناس ياناس يحلالي قالو هو باعك رديت وانا شاريه ولاني بسامع ن فيه قول. عذالي |
رد: مساجلة غلاك . يمنع المنقول .✍🏽
يقوله الاول وانا اعيد ما قال
منهو حكالك عند غيرك حكى فيك وخل القصص خل الحِكم خل الامثال واسمع ندا قلبٍ يحبك ويغليك |
رد: مساجلة غلاك . يمنع المنقول .✍🏽
كان الهوى عندك تهاريج ...وامزوح
انا العشق بعرفي نبض..... وانفاس إليخلص النيه ترخص لأجله الروح والشيمته الغدر يولي منكس الراس |
رد: مساجلة غلاك . يمنع المنقول .✍🏽
سليت سيف الجفا لحساسي الاعزل
ومشاعري وامنه غدراك وتطعنها الله يسامحك في جدك وفي المهزل ارواحنا يالطيف الروح تشحنها وسط الضماير حبيبي هبتلك منزل منزالك الروح والاعيان تسكنها |
رد: مساجلة غلاك . يمنع المنقول .✍🏽
اهواك واهوى كل من كان يهواك
وافرح .. ليا جات . . منك رساله اعشقك واموت بحسنك ولاماك ليتي ولد عمك .. أو .. ولد خاله ... بقلمي ... وليدت اللحظه ... |
رد: مساجلة غلاك . يمنع المنقول .✍🏽
هلت دموعي يوم جاني. مودع
اقفى وقلبي ينادي لا....تخليني غيابك ياهوى البال حيل موجع يالي مكانك بين قلبي... وعيني |
رد: مساجلة غلاك . يمنع المنقول .✍🏽
ياعيون اللي كما عين الوحشيا
ويل منه شافته لحظة نضرها لا تعاتبني و مسكنكم هنيا فوق عرش القلب ومشيد قصرها هاك عهدي وانت هات العهد هيا ياعديل الروح ولعيني بصرها |
رد: مساجلة غلاك . يمنع المنقول .✍🏽
العهود إلى تنكتب ... عالورق
مهيب عهود الغلا . ومواثيقه عهد المحبه به خفوقي شهق وفي عيون خلي يلتمع بريقه |
رد: مساجلة غلاك . يمنع المنقول .✍🏽
هذا انا . جيتك من الشوق ضامي
اروني . . من عذب حبك . . زلاله قلبي غدى من طعون الحب دامي وعندي . على مضمون حبك دلاله ... بقلمي ... |
رد: مساجلة غلاك . يمنع المنقول .✍🏽
هالقاف يازينه كتبته على الها
مشكور يالضاوي عالقاف مشكور مقدام انا في سهل والا جبلها وهذي اصيله دونها الدم مهدور ويكفي عهد يكفي حروف وجملها صدق المشاعر شاعرك منك مسرور |
رد: مساجلة غلاك . يمنع المنقول .✍🏽
ربي يديمك يالوفي عذب الخصايل
يا موفي الموفي . . يا كامل الذوق قصايدك عذبه .. كخيل ن . آصايل عزيز وقدرك .. عندنا يالغلا .. فوق مثلك وشرواك .. يسوى له .. قبايل دمعي على وجناي . قد حرق الموق |
رد: مساجلة غلاك . يمنع المنقول .✍🏽
قرب لك بقلبي من الحب ينبوع
وبين الحنايا فتح مرج.. وزهور في غيبتك ملت عيني. الدموع تمر الليالي عليه وكنها.... دهور |
رد: مساجلة غلاك . يمنع المنقول .✍🏽
رمتني سهوم اعيونك السود
وروحي اسيره في هواكم واذا صرت ماني عندك الفود فحرر اسيرك من غلاكم |
رد: مساجلة غلاك . يمنع المنقول .✍🏽
ما ني مثل غيري يحبك لجل شي
لا لا . . ولاني . . بالموده . . اتسلا ارحم صويب ن لا هو ميت ولا حي يا للي بقلبي . . لك مكانه . . تجلا |
رد: مساجلة غلاك . يمنع المنقول .✍🏽
انا لامرني طيفك.... بحلمي
فزيت من نومي.......اهليبه ضاميه روحي وقربك...المي يالي بعدك لقلبي أكبر مصيبه |
رد: مساجلة غلاك . يمنع المنقول .✍🏽
هالحب كالرزق والارزاق مقسومه
مثل النفس مثل قوتك زادك وشربك معذور ياصاحبي مثلك فلا الومه والله يهنيك باحبابك وتهنابك |
رد: مساجلة غلاك . يمنع المنقول .✍🏽
كنت انا واياك مامثلنا...... ثنين
ساعه تجيني وساعهة انا.اجيك ياغلاتي عود ذوبني..... الحنين سهرانه ليلي مع النجم ..اناجيك |
رد: مساجلة غلاك . يمنع المنقول .✍🏽
كانك تراعي في الهوى شخص ثاني
فانا اعذرك لوكان منته بمعذور وكانك تراعينا لجزل المعاني فانا اعذرك لوكان ماني بمسرور وكانك كتبت العهد دمعٍ عشاني فانا وفيتك عشق ولاني بمجبور يالصاحب المزوين منتب اناني ولاني بخبرك ياريش العين مغرور هات الصحيح ولاتناسا حناني ياضامر السرجوف واقول مشكور |
رد: مساجلة غلاك . يمنع المنقول .✍🏽
ردت حروفي عن الشفات..... الجوابي
ليتك تلمس الشوق وتقول صح اسانك يالي جرحت القلب واسرفت.. بالعتابي عيوني ارخصت عزيز الدمع.... عشانك يالي حليلك من دون البشر........عذابي اروي عروق قلب ن ضامي....... حنانك |
رد: مساجلة غلاك . يمنع المنقول .✍🏽
كل الالم كل الحزن كل ضيقه
تروح لاشفتك ولاغبت تاتي ياليت منهو يالغضي بل ريقه وروا عروق اقليبه امن الشفاتي |
الساعة الآن 08:10 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~