رد: حكــاية قصيــرة ❥
 

اتوقع لو اسوق، بصير سواق البيت من كثر ما يمشوروني :ff1 (222):
و انتي جايه جيبي كذا و كذا و انا ادوج خخخ،
مشكلتي ما احب اقول لا حتى لو انا ميته تعب،،


و ان شاءالله الاسبوع الجاي موعدي لمدرسة القيادة :67:
و بالسواقه بكسر منطقه الراحه اللي انا فيها و اكسر حاجز الخوف :ff1 (104):
و انا احتاج اكسر منطقه الراحه :11:

رد: حكــاية قصيــرة ❥
 

تلك الليلة، التي نسيت فيها كيف افكر..
هي كانت بدايتي للحياة..

رد: حكــاية قصيــرة ❥
 

مؤمنة بأن كل شيء نقدمه نلقى عليه شكر و امتنان، بأي طريقة كانت،،
وقت ما يكون عطائك خالص لوجه الله،، عطائك ما كنت تنتظر عليه شكر من احد
الناس اللطيفه اللي اقابلها كثيييير مرره،، شكرهم و دعائهم شيء يرد روحي و ينسيني التعب..


باقة ورد كانت شكر و عرفان، و اتمنى اعرف من مين.. و جاري الانتظار

https://d.top4top.io/p_1776zcmm70.jpg



https://e.top4top.io/p_17762uj6n1.jpg





على اني صحيت الصباح و انا تعبانه داخلياً و نفسياً.. بس توكلت على الله و كملت يومي ب ابتسامه و روح حلوة،، و صبحت على وحده كانت امس تشتكيلي من موقف صار لها
و قلت لها حابه اصنع يومك.. ابتسمي و ابتهجي و انسي و توكلي على الله..

الحياه حلوة رغم متاعبها.. تعطيك اكثر من اللي تاخذه
و هذا بفضل الله :11:

رد: حكــاية قصيــرة ❥
 

بعد ما وزعت الشكر في كل مكان،، عرفت من مين الورد :67:
ممتنه للمكان اللي انا فيه، و جالسه يعرفني على ناس حلوة :11:

رد: حكــاية قصيــرة ❥
 

مساكم سعيد،
مساكم انجاز،

حلو لما تكتب اهدافك و تنجز واحد ورا الثاني .
حتى لو تأخر التنفيذ،، مصيره يصير زي ما رسمت و خططت،،
اليوم كان جميل، حبيته بكل تفاصليه،، حتى المتعبه منها

اكلمكم و انا في طريق العودة للمنزل :ff1 (222):
نتعب فترة و بعدها يهون كل شي :11:

احبني، و احب عائلتي اللي تتحملني :ff1 (104):
و احبكم بعد :11:

رد: حكــاية قصيــرة ❥
 

النهج اللي انتهجه في حياتي،
شي ما استحقه و لا يستحقني ما اطيل التفكير فيه.. و احاول قد ما اقدر اشيله من دائرة تفكيري،،
كل شي في الحياة متاح امامك، انت بتعرف ايش الاشياء اللي تستحقك، و تتمسك فيها..
و ايش الاشياء اللي تصير حمل ثقيل عليك،، و تحاول تخفف منها و تتخلى عنها


انا اهتم بنفسيتي قبل لا اهتم بنفسي،،
صح نتعب من اشياء، بس لازم نعرف كيف نتجاوزها و نعيش،،
لان هذي الاشياء ممكن تواجهك في يومك،، بس لازم نعرف كيف نتجاوز ..


ددايم اسأل نفسك.. لو فكرت بهذا الشيء ايش الفائدة اللي بحصل عليها..
لها فايدة كمل تفكير و طورها،،
مالها فايدة،، على طول اقطع التفكير فيها و وجه تفكيرك لشيء افضل..



محدثتكم من المطبخ،، تسوي الغدا :67:

رد: حكــاية قصيــرة ❥
 

غاده تحب نوره الانسانه، بس ما تحب نوره الام:ff1 (222):
كيف اخلي نوره الانسانه تتوافق مع نوره الام :67:

رد: حكــاية قصيــرة ❥
 

حب لهذا الهدوء،، لهذا الجمال الذي يسكن الروح
مساكم فرح :11:

رد: حكــاية قصيــرة ❥
 

يارب ارزقني خير الايام القادمة، و اكفني شرها،،
ربي بارك لي في وقتي، و ارزقني الوفرة بكل شي :11:

رد: حكــاية قصيــرة ❥
 

اعتقد انها مدة كافية، كي اعود الى نفسي ب اقل خسائر ممكنة،
كي اعود و ابتسم بدون تصنّع، كي اضحك بدون مبالغة، و اخفي حزني و خوفي،
مدة كافية، تخبرني ان الحياة لا تتوقف عند النسيان او التجاهل،
مدة كافية لأعلم انني قادرة على الوقوف من جديد،
ليمر شريط الذكريات، دون ان تدمع عيناي، فقط ابتسم، و اعلم ان الله معي،،


مدة كافية، لأخبرك انني بخير :ff1 (104):

رد: حكــاية قصيــرة ❥
 

ما يحدث شيء مختلف، اقرب للخيال،
و كأنني لمست الحُلم بيدي :11:

رد: حكــاية قصيــرة ❥
 

انا وصلت لمرحلة.. ما اتقبل السلبية مررة،،
و تخلي ردة فعلي باردة جدا.. مع ابتسامة هادية تقول هاتو من الآخر،،
وصلت لمرحلة ما اتعب نفسي مع الأشخاص ، و ما ابذل مجهود كبير،
اللي يحب يتطور اعطيه من خبرتي و طاقتي و روحي، و اللي ما يحب حتى الكلام ما اتعمق فيه معهم..
شغلي يمشي بحب و هدوء..
و ما انتظر شكر من احد،،

انشغل بنفسي عن مهاترات الحياة، بالعربي شاريه دماغي :ff1 (104):

رد: حكــاية قصيــرة ❥
 

الفرع هذا مفروض ما اجلس فيه،، و الا بخبص الدنيا مع مديرة المنطقه،،
اليوم جاي لها بريد بس ما انتبهت انه لها الا آخر شي،،
انا فتحت البريد لقيت اقنعة احمي بياناتك.. قمت انا وزعت ع البنات
و البسها و اتصور فيها و اصور..
بعدين جاتني نائبتها قالت هذي جايه لمديرة المنطقة.. انا طاح وجهي من الفشيلة..
حماسي دايم يخربها مع هالمديرة،،


:17733:

رد: حكــاية قصيــرة ❥
 

فتحت عيني،، و رحت ادور المطر..
لكن السماء صافيه، و لا فيه ريحة مطر،،

الله يرزقنا بالمطر :11:

رد: حكــاية قصيــرة ❥
 

بما اني مبسوطة و جوي رايق،، و ابد ما انصدمت انه ما جا مطر <- باين خخ
بحكيكم حلم حلمته فيني وحده فطسني من الضحك.. بس اتوقع له دلالات حلوة و مبشرة بالخير..

حلمت فيني انا و مجموعه من صديقاتنا جالسين في قاعة كبيرة
و انا جالسه القي عليهم شعر بالانقليزي،،
و كنت مسترسله و متمكنه و القصيدة كانت طويلة،،


ممكن اني راح اقدر اطور نفسي في اللغه الانقليزيه،، :ff1 (104):
بس حبيت الحلم :11:

رد: حكــاية قصيــرة ❥
 

الاشتياق، لا يعني اننا نود العودة،
في كثير من الاحيان، يكون ما اشتقنا له، لم يعد كالسابق،
تختلف الاماكن عند تركها، ممكن ان تزدهر، و ممكن ان تموت!

و انت تحدد كيف تكون،

رد: حكــاية قصيــرة ❥
 

من اجمل الايام اللي تمر على قلبي
الحمدلله :11:

رد: حكــاية قصيــرة ❥
 

جهد جبار تبذله.. لما تقوم الصباح بطاقة ايجابيه،،
و تواجه بيئة عمل كلها طاقة سلبية..
حقيقي تسحب من جهدك و صحتك شي كثير
ترجع البيت و تحاول تتعافى و تشحن نفسك بجرعة سعادة بين اهلك و الاشياء اللي تحبها،،

تتعافى و ترجع لك طاقتك..
و تصحى الصباح لكن تقابل نفس الاشخاص
جهد نفسي عظيم

رد: حكــاية قصيــرة ❥
 

رد: حكــاية قصيــرة ❥
 

و اكملت يومي بسلام و حب،


جننت مدربتي بالتأمل،، كل ما قالت لفي يمين قلت خليني اتأمل
و اجلس اتخيل اللفه قبل تصير خخخ
قالت في الشارع ما تسوين كذا محد بيخليك تتأملين:ff1 (23):

السواقه من التحديات في حياتي..
ناس كثير قالو ما تقدرين منهم امي و خالتي،،
الله يقويني :ff1 (104):


و تصبحون على حب :11:

رد: حكــاية قصيــرة ❥
 

اغمض عيناي
و ارفع رأسي للسماء..
اشعر بدفئ الشمس على وجهي
و اتيقن ان كل يوم جديد
هو هدية من الله
من حقنا ان نستمتع به
نعيش، و لا نكف عن الشكر لله

صباح الجمال :ff1 (104):

رد: حكــاية قصيــرة ❥
 

احب لما اقابل ناس تشبهني..
و ميولها زي ميولي،،
مدربتي طلعت مصورة زيي..
و اكتشفت فيها اشياء تشبهني
سعيدة اني قابلتها..
لاني حاطه ببالي اني بقابل وحده زي العسل :11:
يوم السبت بيكون اخر يوم للتدريب.. بعدها الاختبار و الرخصة..
الله يتمم على خير،، و اجي ابشركم بالرخصه:ff1 (125):


نسيت اقولكم اني صرت فنانه :67:

رد: حكــاية قصيــرة ❥
 

هكذا يكون الاستسلام للمشاعر..
جارف، لا ينتظر لحظة تفكير، او لحظة توقف،
و انا اكون كجدار صلب، رغم هشاشة جوفه،
يميل تارة، و تارةً يستقيم،
و تبقى انت، كما انت..!
يعجبك صمتي، هدؤي، وخوفي،،

رد: حكــاية قصيــرة ❥
 

هل فعلا نسيت!
عندما مر طيفك،، و انتبهت
انني لم انسى..!
و اني ارتب الاشياء كما لو انك موجود
و اختار الاغاني التي تحبها
و ادعوا الله ليلاً بأن يحفظك
استيقظ صبحاً،
ابحث عنك،
لأرسل صباحات تنير يومك،

كان نسياناً
متردد، كان نسياناً خائف،
نسيان يريدك ان تبقى في الذاكرة
دون ان تهمس لها بأنك موجود

رد: حكــاية قصيــرة ❥
 

https://a.top4top.io/p_1804d24020.jpg


ليتها الايام طالت
و ما انتهينا
ليتها فكرة غيابك،
عنك غابت،
و انتشينا،

بس كانت نهاية
مُرة، صعبة،
انتهى مني الكلام
و ابتدى فيك السكوت،

صمت جارح،
و عزلة،
و احلام ماتت،

ايام تبكي غيابك،
و اوهام بالحب عاشت،


ليه كذا..!
احلامي الكبرى،
صارت الصغرى في عينك
و انتهينا..!

رد: حكــاية قصيــرة ❥
 

من طقوس يوم الجمعه ،،

اني اقدر اقتح لابتوبي و افتح مدوناتكم و اقراها ،،

و اقيمكم و اصبح عليكم ،،



الجميل في هذه الحياه انك تعرف ناس كثير ، و تتذكرهم في بالك واحد واحد
تشكر الله علي هذي النعمه :67:


انتم لطيفين هنا و هناك :67:

رد: حكــاية قصيــرة ❥
 

شغفك للاشياء من حبك لهاا ، او انك تحبب نفس في الشيء حتى تكون شغوف فيه ،،

لازم نحب و نكون شغوفين ،، حتى نحب الحياة ، و تحس انك تصحى كل يوم و في بالك شي ترتب له و تسويه ،،



مثال على شغفي هذي الفتره ،،

دخلت دورة اتعلم فيها كوكيز و ضبطته بدرجه كبيره ،،

انا من اول احب الكوكيز ،، و الان بعد ما ضبطه ،، صرت شغوفه فيه

اقوم اسويه حتى لو انا ميته تعب ،، بعد ما اخلص و اشم ريحته استانس و انسى التعب ،،



و قررت اسويه مشروعي هالفتره ،، و ان شاءالله اكمل فيه ،،

بديت مشروعي مع صديقاتي و صرت ابيع لهم ،، و انبسط يوم يمدحوني و يعطوني ملاحظاتهم ،،



من ربي خلقني و انا ادور ف هالمشاريع و لا شي يضبط معي ،، بس ما يأست :67:
شي واحد لو اتجاوزه انا اصير بطله ،، هو الخوف و التردد ،،


،،






بس انا كذا الحمدلله راضيه عن حياتي ، و لو ربي اراد لي خير من اي شغله و مشروع ،، بتتسهل لي ،،

رد: حكــاية قصيــرة ❥
 

https://c.top4top.io/p_18070q2qo0.jpg


لما تجي فكره ف بالك.. لا تنتظر تجيك بنفسها و تتنفذ من نفسها..
دور و فتش عليها..
صممت الشعار حقي و كنت ادور على علبة بلاستيك تشبه شعاري..
ما كنت القى الا قزاز و انا مابي العلبة قزاز..
كل يوم بدون مبالغه بعد الدوام الف على كذا محل حتى البلد رحت له
الى امس لقيته و حبيت ان اللي ارسمه ف خيالي جالسه انفذه على ارض الواقع،،
و من الوناسه اصحي خواتي من النوم اوريهم :16g7:

بس انا مستانسه ان الاشياء الي احبها قاعدة تصير


هذا شعاري بشكل اوضح
https://alnoorsa.files.wordpress.com/2020/07/mylogo.png
:510:

رد: حكــاية قصيــرة ❥
 

اليوم كان جداً ثقيل،، و ابتديت يومي بأكثر شغلة ممله ممكن اسويها...
بعدها جات شغلة صعبة بس اخف من اللي قبلها..
هي كمهمة مو صعبة فعل قد ماهي متابعه من اكثر من جهه..
يعني بالعربي شي غثيث..

و كمل يومي على هذا المنوال،، و انا احاول ما اركز.. بس بدون فايدة..
عجزت اشتت انتباهي و اطرد هالفكرة من راسي..
بس الحمدلله عدى بسلام بس بدون حب:ff1 (169):

اعرف انه لازم نتعايش مع بيئة العمل و نبعد المشاعر،،
لكن في مشاعر مو حلوه تكون منتشرة في الجو، و تضطر انك تتقمصها و انت مو كذا..
و تصير جاف و ردودك جافه و لا هو من طبعك.. بس يجبرونك تكون كذا،،

كثير فكرت اطلب نقلي من المكان بس وش عذري،، ما يحبون بعض؟!
ما عندهم شغف للعمل، يسبون كثير!

من الاطباع اللي اكرهها، هي السب و الدعاء على الناس و الردود الجافه،،
اكثر من مرره اقولهم لا تدعون،، بس سبحان الله هو طبع ف الشخص
اذا تعود على السب، و المشكلة الاعظم تكون من بنت،
ربي خلقك انثى و حنونه و تطلع منك هالالفاظ


مرره انصدمت من وحده جات معصبه عندي و تقول مين ال**** اللي طلب كل هالشيكات!!

انا طالعت فيها وقلت وين المشكله؟ ما علقت على كلمتها بس باين على وجهي اني متقرفه من الكلمة..
و بطلت تقولها قدامي،،

انا وصلت لهالعمر في كلمات دارجه بين الناس و سبات يقولونها لبعض انا ما انطقها و لا استسيغها،،

هو مو ادب قد ما هو احترام للمتلقي،،
الله يجعلني كذا الين اموت :ff1g (12):


عدا اليوم الحمدلله، و متحمسه لبكرة..
يارب يكتب لي يوم جميل و سعيدة.. :ff1 (104):


تصبحون على حب
:510:

رد: حكــاية قصيــرة ❥
 

بعد ان تعثرت لم اعد استطيع الوقوف، الا متكئة على حلمٌ هش،،
سيتهشم تحت يدي، في اي وقت يعجز عن تحمل كسري،
و في اي محاولة للتجاهل و الوقوف ، يئن و يذكرني كم كنت حمقاء،
حمقاء تلملم ما تبقى لها من اعتزاز، و تمسح بقايا دمع سال حتى خلف الأثر،
تركت كل تلك الجروح، و باتت تضمد جرح لا شفاء له،
و تصرخ ب اعلى الصوت،، عودي تلك الوردة الزاهية،
فالسواد لا يليق بك،

رد: حكــاية قصيــرة ❥
 

رغم كل شي غداً، يوماً مشرق
:510:

رد: حكــاية قصيــرة ❥
 

اوقات تحتاج عزلة،
لما تكون مقهور على نفسك و ما فيك تفضفض لأحد..
انقهر على نفسي لما اثق ثقة عمياء فيك و ف معلوماتك و اكتشف انها غلط.
و الغلط هذا هو اللي أخرني خطوة لورا

راضيه، لان اللي صار اكيد فيه خير لي ما اعلمه..
الحمدلله على كل شي،،

رد: حكــاية قصيــرة ❥
 

نمت على قرار و صحيت على عكسه،
و اقول في نفسي ماني جاهزة اني انفذه اليوم..
لانه كان نومي مو تمام و افكاري تودي و تجيب..
ما عاد بسمع نصيحة احد بتبع قلبي وش يقول،،
لذلك قررت اتراجع عن هذا القرار لليوم بس
لاني قررته و انا زعلانه على نفسي

انا انسانه هادئة بس اذا تحمست لشي كلامي يصير كثير زي الاطفال
و تصرفاتي تصير متهوره..

اهدي لنفسي اغنية تركد لا تفز بساع :ff1 (93):


و صباحكم اجمل و اهدأ من صباحي :ff1 (136):

رد: حكــاية قصيــرة ❥
 

اول مره شربت فوار كنت صغيرة.. مدري انا اول ابتدائي او ما دخلت المدرسة
يا خمس سنوات او سته او سبعه في هذي الحدود..
اتذكر كيف طعمه كان مقرف خلاني استفرغ و اكره كل الادويه..
هذا من المواقف اللي ما نسيتها لانه جرحني و حسيت امي خدعتني ذاك اليوم خخخ

اليوم تذكرته و رجعت لي الذاكره عشان جالسه اشرب فوار سولبادين و طلع نفس الطعم..

بس :ff1g (12):

رد: حكــاية قصيــرة ❥
 

دايم يتوقعون مني،، اني اكون على طول الوقت هاديه و رايقه، و اتحمل كل شيء
ما يعرفون اني زيهم بعد اضيق و ازعل و انفّس،،
كل ما قلت شي قالو وين ايجابيتك خخ

قلت بس جربو وجهي الثاني :ff1 (222):
وحش ممكن يخرب كل شي في لحظه،، لكن اني احتفظ فيه لحالي ماله داعي الناس تشوفه
بس ترا مسكين وحش اليف :ff1 (46):


يقولون لكل شخص جانب مظلم في حياته،
لي جانب مظلم ما احب احد يشوفه ابد ابد ابد:ff1 (93):
لكم مني الجانب المضيء لان الجانب المظلم مايفيد احد بشيء


و يسعد صباحكم :ff1 (104):

رد: حكــاية قصيــرة ❥
 

صاحية من بدري و مو معطيه اي اعتبار للصداع،،
مطنشته كأنه مو موجود <- خبلة تعامله معاملة شخص خخ
و الله ضيف ثقيل جدا.. ثلاث ايام ما راح :r-q-7:



صباحكم لطيف :ff1 (104):

رد: حكــاية قصيــرة ❥
 

اقتناعك ان كل الامور و الاحداث تسير من اجلك..
تشعر بها تسير من اجلك فعلاً..

و ان الخير يرافقك،، ليلاً نهاراً..
تشعر ان حياتك مطمئنه،، و انك بمعية الله على الدوام،،


هذا الاقتناع و الشعور، يجب ان يكون نابع من اعماقك..
حتى تشعر به،،


صباح الهدوء..

رد: حكــاية قصيــرة ❥
 

ما اقول الا الله يطلعني من هالمكان و انا بروحي الحلوة..
حقد غريب انا ما اتحمله

رد: حكــاية قصيــرة ❥
 

في اشياء بسيطة تصير في الحياة، زي ما ابي و زي ما افكر،، حتى بدون مجهود..
مو من مره و لا مرتين،، انا الاحظ هذا الشي كثير،،
اقرب مثال اليوم صار.. افكر بيني و بين نفسي و اقول بقول للمديرة تعطيني مفتاحها عشان بجي بدري قبل الحارس،، بس ما قلت لها
شوي المديرة تقولي نوره خذي المفتاح خليه معك لبكرة،،
انا حسيت انها تقرا افكاري خخ او ان افكاري عندها قوة جذب للي تبيه،،

:542:

رد: حكــاية قصيــرة ❥
 

ابي القى احد على مودي و ما لقيت،، :ff1 (169):
على انه مودي بسييييط مره و رايق و هادي، مع قليل من الجنون خخ

شكلي ابي استنسخني :ff1 (104):


توصل لمرحلة.. ما تلقى احد يشبهك مرره
حتى اقرب القريب منك

يقولون هذي مرحلة الشيخوخه خخ <- لازم تخربها :130:



و صباحكم سعيد:ff1 (104):