رد: حكــاية قصيــرة ❥
 

يسعد صباحكم و أيامكم بكل خير ..
الحمدلله بكذا نزلنا اخر موضوع .. و الحمدلله اني التزمت.و خلصتها على خير ..
و يارب اكون وفقت فيها..

https://g-lk.com/vb/showthread.php?t=24437



:199:

رد: حكــاية قصيــرة ❥
 

كيف ممكن لشخص ان يشتت اتزانك، يبعثر هدوئك
هو لا يشعر بكل تلك الزوابع التي تحدث ،
و هي قادرة أن تقف في مواجهة العاصفة ..

رد: حكــاية قصيــرة ❥
 

من الساعه سبعه الصباح انا صاحيه ,,
بالعاده الهواجيس تجي بالليل .. بس انا هواجيسي الصباح ..
ما بقى فكره ما فكرت فيها ,, ما بقت امنيه ما طرت في بالي و دعيت الله فيها ..

افكار كثير و كلام افكر اكتبه .. و قرارات ودي اقررها
بس اقول ي نوره انتظري شوي .. اعطي نفسك مهله

سؤال واحد ودي اسأله و متردده <- بس واحد .. :r-q-7:


اكره اكون في حيرة ,, عشان كذا قراراتي تكون صارمه و قاسيه ..
بس هالمره بكون الطف شوي و أأخر هالقرار .. <- ما قالت ما اقرر قرارات قاسيه :415:



ادعي الله ان يلهمني الضوء الاخضر للتقدم ,,
او يكون الانسحاب آمن و لطيف و هادي



قبل لا اكتب هالكلام ..
انا فتحت دفتر احلامي و كتبت حلمي .. :ff1 (49):

عندكم فضول تشوفون دفتر احلامي ..!


https://g-lk.com/up/do.php?imgf=171032209170481.jpg



هذا الدفتر عندي من 2017 او 2016 ,,
اوقات اكتب فيه و اوقات انساه .. بس شكلي بفعله في رمضان ..
عندي قناعه ان اي شي اكتبه يصير :212:

رد: حكــاية قصيــرة ❥
 

https://g-lk.com/up/do.php?imgf=171050474628174.gif


كيفني و انا كشخه :442:
شكرا رانيا بحجم السماء ,, و شكرا للجميع
احبكم :11:

رد: حكــاية قصيــرة ❥
 

كلها ايام و ينقضي الربع الاول من السنه ,,
ثلاث شهور مرت من سنه 2024 ..
لازم تتوقف شوي , و تكتب ايش انجزت و ايش مخطط لباقي السنه ..

اول انجاز سويته اني سويت ورشة الحريه المالية ..
اللي تقريبا صار لي سنه افكر فيها

كل موعد كنت اجله ,, حجزته ..

رتبت دولاب ملابسي :ff1 (53):

و تعرفت على نفسي اكثر ,,
كيف !

لما اقابل ناس في نفس عمري ,, و يكون عندهم مشاكل نفسيه او معتقدات انا كنت اعاني منها و تجاوزتها
اكتشف شي جديد بشخصيتي .. و اعرف اني صرت اوعى و على معرفه بمشاكلي النفسيه و كيف اتعامل معها ..


مهمه جدا هذي النقطه عشان انت تقارن نفسك الحاليه بنفسك القديمه ..



و راح ابدأ اخطط للربع الثاني من السنه ..
بيكون تركيزي على شيئين .. و ان شاءالله اني انجزها :251:



حاطين خطه لحياتكم و الا تمشون ع البركه ؟

رد: حكــاية قصيــرة ❥
 

قد حسيتو انكم نايمين في عالمين مختلفين !!

انا اليوم نومتي كانت غريبه ،، كل ما انام و اصحى
احس بشعور اني في عالم ثاني مختلف عن حياتي اللي انا فيها
شعور اني في مكان بعيييد ،، و أن المكان مو مكاني اللي نمت فيها ..
ارجع انام كأني اغوص في العالم الجديد ..

لما صحيت احس اني نمت نومه طويله .. و كلها سبع ساعات
بس حسيت الوقت أطول..

صرت افكر انا وش سويت قبل انام !!

اللي سويته اني فكرت كل يوم اتأمل في اسم او اسمين من أسماء الله الحسنى
و كنت اتأمل ب اسم الرحمن الرحيم ،، و صرت ادعي بهالاسمين

و كتبت هالدعاء في المغكره


يارحمن يا رحيم ، ارحمني برحمتك التي وسعت كل شي ،، و اظلني تَحتْ ظِل عَرّشكْ يَوم لا ظِلْ إلا ظِلّكْ، و تجاوز عني و اغفر لي ..
برحمتك استغيث ، أصلح لي شأني كله و لا تكلني لنفسي طرفة عين .

...



كل ما تأملت و تعمقت بشي قبل النوم ،، تكون نومتي غريبه ..
انام نومه حلوة بس بشعور غريب ..



جربوا التأمل قبل النوم في اشياء حلوة
و شوفو نومتكم كيف تصير ..

رد: حكــاية قصيــرة ❥
 

لو كانت عندك لحظة جميلة في حياتك .. و اوقات تكون فيها سعيد و مرتاح .. لو يوم واحد ..!
حاول تركز عليه ,, و على اللحظات الجميلة ,,
وقتها استشعر عظمة الله ,, اشكر الله و احمده على هذي اللحظه
كبرها في عينك .. و استشعر اللحظه الجميلة .. و لا تفكر بشي ثاني ,,

استشعارك للنعم و شكر الله عليها ,, من اعظم الطاعات ..
و لها مردود كبير عليك و على راحتك النفسيه .. :11:


اللي جاب الطاري لذا الكلام .. موضوعي هذا ,,

رحلة مكة المكرمة و المدينة المنوره - رمضان 1445



استرجعت فيها الذكريات الحلوة ..
و قد ايش الله ييسرها لنا :11:

رد: حكــاية قصيــرة ❥
 

يالله انه اخر اسبوع دوام..
اجعله من أجمل و الطف ما يكون ..

ساعدني يالله :11:

رد: حكــاية قصيــرة ❥
 

دايما و انا اتقمص دور البطل المنقذ ..
دور الجندي المجهول ،، اللي يحقق كل شي على حساب نفسه ..

قبل كم يوم كنت بسوي مجازفه ،، بحق نفسي .. عشان اريح اللي حولي ..
كنت متردده بشكل كبير و مابي اضايق نفسي ،،
و كنت في كل خطوه اخطيها ادعي ان الله يسهل أمري و يكتب لي الخير


و مستمرة على دعاء

"حسبنا الله سيؤتينا الله من فضله و إنا إلى الله راغبون "


مرتين كنت اقدم على هذي الشغله و لا تتم بفضل الله
حمدت ربي و شكرت انها ما تمت .. لأنها راح تدخلني في دوامه كبيره
دوامه تخالف كل خططي ..

لكن الحمدلله .. كل اللي يصير لنا خير من الله

رد: حكــاية قصيــرة ❥
 

يارب نسألك العوض الجميل ..
و الحياة اللطيفه الهادئة ..
و الروح المحبة ، و الصحبة الخيرة ..

يارب انت العظيم القادر ..
قل لأمنياتنا كوني
و اجعلها واقع نعيش بها

يارب الرحمه
من الضيق و الحزن و كل ما يكدر خواطرنا ..

رد: حكــاية قصيــرة ❥
 

دعوتك يالله بيقين الاجابه ,
فحقق لي ما اتمنى , و ارزقني من خير الدنيا و ما فيها ..

رد: حكــاية قصيــرة ❥
 

لحظه ادراك ..
اليوم ٢٧ رمضان :ff1 (30):

كيف كذا الايام راحت بسرعه ..
الايام سريعه بس رمضان هو الشهر الوحيد اللي يثبت لك سرعة الايام .

بس المداومين يروح عليهم اسرع و ما يحسون فيه ..
يعني احنا من بدايته و احنا في حرب ما يعلمها إلا الله
يوم خلصنا دوامات .. استوعبنا انه خلص :(

ما اقول الا الله يتقبل صيامنا و قدامنا و دعائنا ،،
احب الدعاء ،، بس ما استشعر حلاوته الا برمضان :183:



فزورة اليوم : كم مره قلت رمضان :ff1 (235):

رد: حكــاية قصيــرة ❥
 

انا بس اشوف وجه دكتورتي ينشرح خاطري .. ليه ما ادري !
ممكن لاني جيتها في وقت انا تعبانه مرره ..
و هي تابعت حالتي و اعطتني الدواء المناسب .
أشرفت على خطة العلاج .. الين بفضل الله صرت احسن و لا احس بأي شي .
لها في قلبي مكانه كبيرة .

رد: حكــاية قصيــرة ❥
 

اشكر ادارتنا الحلوة ،، لمنحي هذا التكريم ..
انتم الفخمين و الله :11:


و راح الشهر الكريم .. و عدت أجمل أيام في السنه ..
الله يتقبل مننا و منكم صالح اعملنا و دعائنا و لا يردنا خائبين..

و الله يجعل ايامنا كلها خير و سعاده ..

رد: حكــاية قصيــرة ❥
 

الانسان كتلة من مشاعر , كل شي ممكن يأثر فيه بطريقة ما ..
و بدرجات متفاوته من التأثير بإختلاف شخصياتهم و بيئتهم ,,

مستحيل تلقى انسان ما يتأثر , حتى لو مثّل عليك انه ما يتأثر


و ظروف الحياة , و احداثها و إن كانت بسيطه تأثر علينا بطريقه ايجابيه او سلبية ..
لذلك تلقى الانسان المتفائل فجأة يكون حزين لسبب ما .. ممكن هذا السبب ما يخلي شخص آخر يكون حزين ..
لكن لسبب ما .. جعل من هذا المتفائل حزين ..
و من رحمة الله فينا اننا نرجع نتوازن ,




لذلك لا تثق في كل ما يقال , ممكن ان يكون تحت تأثير شعور

رد: حكــاية قصيــرة ❥
 

https://g-lk.com/up/do.php?imgf=171394770546991.png

فعاليه صانع المحتوى ,, جدا رائعه و اعجبتني كثير ..
و لما اشوف اعضاء حاطين الشعار بتواقيع مررره انبسط .. و اقول ياربي اكيد بنشوف مواضيع جميلة

و عن نفسي كنت مررره محتارة .. فيه اشياء كثير اعرف اتكلم عنها
بس ابي شي اتعلم عليه و يخدمني بعدين .. جلست افكر افكر افكر ..
الين قرررت على مجال
:438:

حددت وش المواضيع تقريبا طلع معي خمس الى سته مواضيع ..
وودي اكثر :ff1 (152): .. بس بشوف وش يطلع معي ..


متحمسه لمواضيعي و مواضيعكم :11:

رد: حكــاية قصيــرة ❥
 

هي مسافات قطعتها وحدي ..
طويلة و لم تكن خالية , تلبستها جميع المشاعر ..


و الان و بعد التخلي , و التخفف لا اجد صعوبة في مواصلة المسير ..

رد: حكــاية قصيــرة ❥
 

لا تحارب من أجلي،
ف أنا خسرت الحرب أمام نفسي ،،

رد: حكــاية قصيــرة ❥
 

صباح هادي و رايق ..
و جالسه اجهز موضوعين في نفس الوقت من الحماس ..
لكن دقت الساعه و حان وقت الدوام و التجهيز للدوام ..
قمت و تجهزت احلى تجهيز من زود الروقان .. و أحاول انسى الصداع في عيني اليسرى ..


يارب يكون يوم خفيف لطيف .. بخفة روحي اليوم ..:11:



يسعد صباحكم :11:

رد: حكــاية قصيــرة ❥
 

قبل يومين اصبت بحالة حزن خفيفة
بعد ما سمعت رد من امي يخالف احد أمنياتي..
و من طبعي الحساس .. سويت دراما مع نفسي ..
وقتها حسيت كل شي تقفل في وجهي ..
قلت مدام امي مو راضيه ما راح يتم ..

و نسيت ان الله اكبر مني و منها ،، و لو أراد الله بيعطينا ..
و قتها هدت روحي ، و رجعت افكر بعقلانية اكثر بعيد عن العواطف ..
فوضت أمري لله ، و صرت ادعي يارب اختر لي و لا تخيرني ..


انا لو تفكني الحساسيه من شرها اكون بخير ..
على اني ما صرت حساسه زي اول .. بس فجأة تطلع لي

:187:

رد: حكــاية قصيــرة ❥
 

نسين اقولكم اني جهزت الموضوع الثاني .. :208:
بس ابي اراجعه اليوم و أن شاءالله ينزل ..

ترقبوني
:426:

رد: حكــاية قصيــرة ❥
 

اليوم عرفت قيمة التوكل على الله في الصباح و قرايه الاذكار ..
كل يوم انا اقراها الا اليوم ,, لهيت بجوالي و نسيت ,,


و انا رايحه الدوام و قربت من الفرع ,, بالعادة نعكس الطريق عشان نجي قدام الباب ..
يومياً تضبط معنا و لا نواجه اي مشاكل ..

اليوم يوم عكسنا , السيارة اللي مقابلتنا سيارة مرور :481:
قلت يالله الحين اخذنا مخالفه ,,

قام الشرطي وقف السواق و يبي يتكلم معه ,, و انا ماني فاضية لهم ,,
نزلت و تركته ,,


قلت هذي نتيجة اللي ما يقرا اذكاره في الصباح يتعكس يومه :ff1 (92):
مدري تفكيري صح و الا لا بس احس كذا ..
ربي هو اللي يبارك لنا في ايامنا :ff1 (35):

رد: حكــاية قصيــرة ❥
 

https://g-lk.com/up/do.php?imgf=171485710178131.jpg


5/5/2024

شكرا مجتمع غلاك ،،:11:
هي رسالة آلية ، بس وقعها على النفس جميل ..
تعرف ان فيه ناس يتذكرونك و يهتمون فيك ..

لفته رائعه :11:

رد: حكــاية قصيــرة ❥
 

في يومي السعيد ، قررت أن لا أحزن، لا اسمح لنفسي بالشعور بخيبة الأمل..
أن انظر إلى الأمام، و لا التفت خلفي ، ف كل شيء ذهب ليس لي ..
و القادم مذهل بإذن الله ..

قررت اركز على الأشياء الحلوة ، و اتجاهل السيئة ..


احنا عايشين في الحياة لغاية و هدف ،
نحدد الهدف للوصول إلى غايتنا و مرادنا ..

:11:

رد: حكــاية قصيــرة ❥
 

الصباحات تتشابه ..
لكن فيه صباح يحسسك أن الدنيا لسى بخير و حلوة ..
و كلها حب و حياة ، صباح يحسسك أن حياتك ابتدت من الحين ..


الله يجعل أيامكم و صباحاتكم من أجمل ما يكون :ff1 (35):

رد: حكــاية قصيــرة ❥
 

اليوم كنت بين مشاعر مرتفعه و عاليه جداً ،
و مشاعر متوازنه ، جعلتني اعيد التفكير مرارا
قبل ما اوصل لمشاعر التوازن ، كنت قد شارفت على مشاعري السيئة .
فكرت بطريقة عادله ، و أيقنت أن الاندفاع لا يزيد الأمور الا سوءاً


شكرا لعقولنا، التي تعيد توازننا ،،

رد: حكــاية قصيــرة ❥
 

مضغوطه بشكل غريب ،، شي يجيب الغثيان و القرف ..
و الأشياء اللي ممكن انها تبسطني ما عادت تبسطني
و أحاول اني ما اتعلق بشيء ، و اطلع نفسي بنفسي من هذا الضغط


الله يعدي هالايام على خير

رد: حكــاية قصيــرة ❥
 

مافي زي هذا المكان ملاذ لي ،،
مهما لفيت مهما دورت أشياء تغير نفسيتي و تخليني افضفض و مطمئنه
ما القى زي غلاك و مدونتي :11:


يسعد صباحكم ...
و عساه يوم لطيف و خفيف علي و عليكم

رد: حكــاية قصيــرة ❥
 

شفتو الشعور اللي يجيكم ملل و ضيقة خلق
هذا عندي الحين ..


افكر اسوي شي يغير نفسيتي
و بعدين من الطفش اقول ماله داعي


شورو علي :ff1 (222):

رد: حكــاية قصيــرة ❥
 

لما يقولون لكم عبارة قلبي يمشي على الارض ,,
انا امثل هذي المقوله فعلياً .. انا قلبي ما عاد هو داخل صدري :11:
قلبي صار في الوجود :11: صار قدام عيوني :11:


الله لا يخليني من نور عيني :11:
نورة القلب و الروح
:212:

رد: حكــاية قصيــرة ❥
 

هي حياة ,
و ارتباط روح ..!
كانت تعانق الحياة ..
تفرح و تبوح
ب اغنيات ,
و ازهازيج حب

ترانيم اشواق , و نغم
ضحكات , امنيات
و حلم ,
سكن الفؤاد
بات الى ان ازهر ,

يزهر الحُلم ,
و يفوح بعطرٍ ملأ الاجواء سكون

:11:

رد: حكــاية قصيــرة ❥
 

انا معها شخص آخر ..
ينسى أحزان الدنيا ،


هي الفرح الوحيد للحياة ..

رد: حكــاية قصيــرة ❥
 

كانت الذكريات الجميلة ، و الحب الجديد ،
تورّدت الحياة بوجودها ،، أشرق الكون معها ،،
وضعت بذرة الحب بداخله ، و انبتت حياة سعيدة ،
حتى و أن ذبلت تعود من جديد في حضوره ،

:38:

رد: حكــاية قصيــرة ❥
 

دايم اقول لنفسي اني تشافيت من اي مشاعر ممكن انها تعلق حياتي ..
بس في الحقيقه لا ..! لازال هناك شعور لم اتشافى منه ،
في كل لحظه و في كل وقت هو جالس يطلع لي ،،
و هو ما يطلع من نفسه ، فيه مواقف و أحداث تخليه يطلع لي ..
و من هنا اكتشفت اني ما تعافيت منه ..
ارجع للماضي القاه معي في كل موقف ، في كل فكرة ..
ودي ب احد ينتشلني من هذا الشعور ،، لاني ابي اتخلص منه للأبد..

من مواقف عدة ، تأكدت انه لازال موجود
و تأكدت اني ابي اتخلص منه ، و الله يساعدني أن شاءالله

رد: حكــاية قصيــرة ❥
 

رحت فتحت المفكره بجوالي ..
و كتبت وش هو الشعور ..
اعترف فيه أمام نفسي ..
عساني اتخلص منه في يوم من الايام ..

رد: حكــاية قصيــرة ❥
 

لا تعيش بفقدان أمل ،
عيش الحياة ، و كأنك ملكت العالم :212:

رد: حكــاية قصيــرة ❥
 

كل شيء متوقف ..!


لكن دائماً هناك أمل , :421:

رد: حكــاية قصيــرة ❥
 

مهما فكرت بعاطفة , يرجع عقلي يطرح التساؤلات الواقعية ..
و يبدأ العقل يتحكم بالعاطفة شوي , و يكون فيه توازن ,,
بين ما يريده القلب و ما يفكر به العقل ..

رد: حكــاية قصيــرة ❥
 

كل الوجوه حولي باهته ،،
و الأحاديث لا تعني لي شيء

رد: حكــاية قصيــرة ❥
 

1 يونيو 2024 ..
اخر شهر من نصف السنه الاول ..
بيروح مثل ما راح غيره ؟! و الا بيكون نقله نوعيه في حياتنا
و الباب الاول لتغيير مسار الحياة ..


لكن ما اقول الله يجعل الايام القادمه خير و بركه :11:
و يجعل ايامنا كلها سعاده و فرح :405: