بسولف شوي دام صار وقت النوم ..
برضوا لأني من زمان منقطع ..
.
.
.


أذكر قبل فترة طويلة شوي كتبت عن الإلتحاق بالعسكرية وكلية الضباط ..
أمر الله كله خير سواء كنت قبلت فيها أو م قبلت فيها والحمد لله على كل حال ..
طبعا أنا م قبلت فيها وراضي بقضاء الله وقدره ..

كتبت في التدوينة برضوا إن التوظيف شوي صعب كان، تقدر ترجع تشوف التدوينة من هنا

مرت فترة جلست أدور فيها لوظيفة والأشخاص المقربين مني بيعرفوا شلون سعيت لين توظفت ..
المهم، الحمد لله ربي كتب لي إني أتوظف مع بداية السنة الميلادية الحالية ..
توظفت مع شركة عالمية وتعتبر الأقوى والأولى عالميا في مجالها ..
توظفت فيها كمهندس تخطيط مثل م كنت أتمنى ..
الشركة ماسكه مشاريع جدا ضخمه، وحاليا شغال على أكثر من مشروع ..
بهالفترة القصيرة الحمد لله قدرت ألفت الإنتباه وصرت شخص يعتمد عليه بشكل جدا قوي ..
بهالفترة القصيرة ولله الحمد تعلمت أشياء جدا كثيره وصرت ماسك مهام رئيسية ..
أشوف نفسي شلون كنت وكيف صرت في هالفترة واحمد الله إنه عوضني بشيء أجمل مما كنت أتخيل ..
فيه خطط كثيره كنت مخطط أسويها بس كل شيء تغير بالنسبة لي ..
للأفضل طبعا تغير وحاليا جالس أشتغل على اسمي وواثق تمام الثقه إنه بيكون معروف ومطلوب ان شاء الله ..
شعور جدا عظيم إنك جالس تساهم وتساعد في نمو وتطور هذا البلد ..

الله يوفق ويكتب الخير للجميع ..