شَرقَآويهہْ♥ |
04-13-2024 02:33 AM |
رد: - روح من زمن آخر .. !
https://up6.cc/2023/08/169212646329041.png
-
ما أذكر تركتك يوم كنتي تعانين
وشلون قلبك طاوعك تتركيني
كلي أمل لامن طلبتك تلبين
جيتك وأنا مخذول لا تخذليني
-
حتى الشعر رايـح ولا أدري على وين
من بعد ما كان الشعر محتويني
إي والله أني ضايق وخاطري شين
من لوعة الأيام مدري شـفيني
-
والفرحة اللي بـعيني استـدرجت لين
طاحت مثل ما طاحت دموع عيني
وأحبك الـي قلـتها قبل سنتين
كل يوم أرددهـا ولا تسـمعيني
-
وعدتنـي ما علموك الوعـد دين
وشلون تنساني وتنسى حنيني
إنت هواي اللي عشقته من سنين
ومال الهوى داعي لاماتت سنيني
-
لا تعتذر بس رد لي وجهك الزين
وجهك لحاله يعذرك صدقيني
حتى لوني ذقت منك الأمرين
شكرا على اللي صار بينك وبيني
-
لاصرت ميت فيك وعداي حيين
أبسط حقوقي إنك تموت فيني
ما كأن ربي خالق الي جسمي يدين
كم فرصة ضيعتها من يديني
-
:181:
|
|